- Tíðindi, mentan og ítróttur
Brimil verður frammi um tveir tímar
<div>Vaktarskipið Brimil er í løtuni á veg til pólska seglskipið, sum tíðliga í morgun sendi út neyðarkall.</div><div><br></div><div>Óli Hans Olsen, skipari, sigur, at teir rokna við at vera frammi hjá seglskipinum um seks ella hálvgum sjey-tíðina. Brimil hevur fulla ferð á motorunum, og ferðin er umleið 13 míl.</div><div><br></div><div>Fyrr enn Brimil er komin fram, verður ongin avgerð tikin um, hvat gjørt verður við neyðstadda skipið.</div><div><br></div><div><b>Tyrla sveimar uppiyvir</b></div><div><br></div><div>Síðan fyrrapartin hevur ein tyrla alla tíðina verið hjá skipinum, og seinnapartin komu partrolararnir, Lerkur og Rókur, fram til neyðstadda skipið. Tað hevur ikki eydnast útvarpinum at fáa samband við trolararnar.</div><div><br></div><div>Hallur Jensen, tyrluskipari, sigur, at seglbáturin sær út til at vera í hampuliga góðum standi, men hann hevur ikki møguleika at manurera, tí ein av mastrunum hevur fingið skaða.</div><div><br></div><div>Eftir øllum at døma hevur báturin onga maskinorku.</div><div><br></div><div>Hóast vindurin er minkaður á leiðini, er framvegis ógvuliga høg alda. Skiparin á Brimli ber ótta fyri, at aldan er so mikið høg, at tað neyvan er ráðiligt at seta minni bát út fyri at flyta manningina á seglskipinum yvir á Brimil.</div>
