Níggju av manningini eru bjargað

Brimil kom til pólska seglbátin um hálvgum sjey tíðina, og stutt eftir byrjaði bjargingin

Níggju fólk av pólska seglbátinum eru higartil bjargað umborð á Brimil.

04.09.2012 - 20:55

<p>Tað hevur eydnast vaktarskipinum Brimli at bjarga níggju av manningini á neyðstadda pólska seglskipinum norður av Føroya banka, upplýsir virkandi leiðarin á MRCC, Edvard Bjarnason.</p><div><br><div>10 fólk eru við seglbátinum. Ein tyrla sveimar uppi yvir, meðan bjargingin fer fram. Ein av manningini hevur ligið í óviti, og ein hevur fingið skaða.</div><div><br></div><div>Brimil kom til seglbátin um hálvgum sjey tíðina, og stutt eftir byrjaði bjargingararbeiðið. Lerkur og Rókur, sum komu á leiðina seinnapartin, eru framvegis hjá bátinum.</div><div><br></div><div>Hvussu verður við seglbátinum er ikki greitt enn, tí dentur verður lagdur á at bjarga manningini á seglbátinum fyrst. </div></div>