- Tíðindi, mentan og ítróttur
Tyrlur eru hjá seglbátinum
<div>Veðrið er batnað á leiðini norðan fyri Føroya banka, har ein pólskur seglbátur sendi út neyðarkall í morgun.</div><div><br></div><div>Tyrlan hjá Atlantsflogi fann bátin fyrrapartin, og síðani hava tyrlur verið hjá bátinum alla tíðina. Tá tyrlan hjá Atlantsflogi noyddist at fara til lands aftur, tí brennievnið gekk undan, varð hon avloyst av Lynx-tyrluni hjá donsku sjóverjuni. Hin bjargingartyrlan hjá Atlantsflogi avloysti síðani donsku tyrluna.</div><div><br></div><div><b>Ikki hugsingur at bjarga</b></div><div><br></div><div>Hallur Jensen, tyrluflogskipari, sum fann bátin í morgun, sigur við útvarpið, at veðrið var ógvusligt fyrrapartin, og hugsingur var ikki um at gera nakra bjargingarroynd.</div><div><br></div><div>- Báturin fekk ikki manurerað í høgu aldunum, tí ein av mastrunum hevur fingið skaða. Men annars fleyt hann væl og høgt í sjónum, og sá út til at vera í hampuliga góðum standi. So vandi er ikki fyri, at hann skal søkka, sigur Hallur Jensen.</div><div><br></div><div><b>Óvist hvat verður gjørt</b></div><div><br></div><div>Sambært Edvard Bjarnasyni, virkandi leiðara á MRCC, er enn óvist, hvat gjørt verður við pólska seglbátin. Enn er støða ikki tikin til, um báturin skal togast ti lands, ella um talan verður um at bjarga einum av manningini, sum eftir øllum at døma hevur fingið skaða.</div><div><br></div><div>- Vit fáa ikki samskift við bátin, og tí vita vit ikki, hvat tey vilja. Brimil verður hjá bátinum um tveir til tríggjar tímar, og tá vita vit helst meiri, sigur Edvard Bjarnason.</div><div><br></div><div>Annars eru partrolararnir, Lerkur og Rókur, eftir øllum at døma komnir fram til seglbátin, og teir royna nú at stjóra eina telefon umborð, so at tað ber til at samskifta millum pólska skipið og MRCC.</div><div><br></div><div><br></div><div><br></div>
