3.700 fleiri ferðafólk í august

Tað er framvegis vøkstur í ferðafólkatalinum á flogvøllinum. Atlantsflog hevur havt framgongd á øllum farleiðum uttan á Bretlandsleiðini

Airbussurin hjá Atlantsflogi, sum kom í vár, man hava gjørt sítt til, at fleiri ferðast um flogvøllin.

Uni L. Hansen

Johnsigurd Johannesen

05.09.2012 - 10:50

<div>Ferðafólkastreymurin um Vága Floghavn veksur støðugt. Í august vaks ferðafólkatalið við 15,7 prosentum samanborið sama mánað í fjør. 27.229 ferðafólk komu og fóru um flogvøllin í august. Tað eru 3.687 fleiri enn sama mánað í fjør.</div><div><br></div><div>Higartil í ár er umleið 12.000 fleiri ferðafólk komin og farin um flogvøllin enn um somu tíð í fjør. Vøksturin er góð átta prosent. Hetta er størsti vøkstur í síðani 2007 og 2008, sigur Vága Floghavn.</div><div><br></div><div><b>Nógvir útlendingar</b></div><div><br></div><div>- Umframt at føroyingar eru farnir at ferðast meiri aftur, bendir nógv á, at tað serliga eru fleiri útlendsk ferðafólk, sum mynda vøksturin, stendur í tíðinaskrivi frá Vága Floghavn. Oljuleitingin hjá Statoil ávirkar eisini ferðafólkatalið</div><div><br></div><div>Atlantic Airways hevur havt framgongd á øllum farleiðum uttan á Bretlandsleiðini. Har er ein lítil afturgongd. Hóast talið á ferðafólkum er vaksandi, so er nakað upp til metárið 2008.</div><div><br></div><div><br></div><div><br></div><div><br></div>