- Tíðindi, mentan og ítróttur
Ætla sær í rættin við málinum um aðalstjóran
<div>- Landsstýrið eigur at viðurkenna, at afturtøkan av uppsøgnini hjá fyrrverandi aðalstjóranum í Mentamálaráðnum er í lagi. Tað sigur Christian Andreasen, sum nú er advokatur hjá Leivi Harryson. Mánadagin fara teir á fund við landsstýrið.</div><div><br></div><div>Tekur landsstýrið ikki afturtøkuna til eftirtektar, fer málið í rættin, sigur Christian Andreasen. </div><div><br></div><div>Í brævinum, sum er sent til landsstýrinum verður víst á, at Leivur Harryson sum tænastumaður hevur fullan rætt til at taka uppsøgn sína aftur - treytað av, at hetta verður gjørt beinanvegin. </div><div><br></div><div><b>Varð tikin aftur í góðari tíð</b></div><div><br></div><div>Sambært Christiani Andreasen varð uppsøgnin tikin aftur beinanvegin - ella í so mikið góðari tíð, at eingin hevur havt stundir til eina neyvari viðgerð í tíðarbilinum frá tí, at Leivur Harryson segði seg úr starvi, til hann tók uppsøgnina aftur.</div><div><br></div><div>Og tí kann landsstýrið ikki ógilda afturtøkuna, sigur Christian Andreasen. </div><div><br></div><div>Hann sigur, at fundur er avtalaður við landsstýrið nú mánadagin. Tá fer Christian Andreasen at krevja, at landsstýrið tekur til eftirtektar afturtøkuna av uppsøgnini hjá Leivi Harryson. Verður eingin semja um hetta á fundinum mánadagin, fer málið í rættin, sigur Christian Andreasen. </div><div><br></div><div><br></div><div><br></div>
