- Tíðindi, mentan og ítróttur
Biðið um pening til yvirlitstrolingar
<div>Jacob Vestergaard, landsstýrismaður, hevur sent Fíggjarnevndini fíggjarnevndarskjal, har hann biður um 600.000 kr., so Magnus Heinason kann loysa at gera árligu yvirlitstrolingarnar sum ætlað.</div><div><br></div><div>Pengarnir verða fluttir av øðrum kontum hjá Fiskimálaráðnum, so umbidna játtanin er útreiðslunoytral, upplýsir Bárður Nielsen, formaður í Fíggjarnevndini. Fíggjarnevndin fer at viðgera fíggjarnevndarskjalið í morgin ári - fyri tingfundin, sum byrjar klokkan hálvgum tíggju.</div><div><br></div><div><b>Kunnu ikki bíða eftir eykajáttanarlógini</b></div><div><br></div><div>Yvirlitstrolingarnar skulu gerast nú, og tí kann játtanin ikki bíða eftir eykajáttanarlógini, sum verður fyrireikað í løtuni. Havstovan hevur ikki pengarnar til yvirlitstrolingarnar á landgrunninum, tí neyðugt varð at umvæla Magnus Heinason í summar, skuldi hann ikki verða lagdur med alla. </div><div><br></div><div>Magnus Heinason varð lagdur um mánaðaskifti juni/juli, tí skipið kravdi umfatandi umvælingar. Tær eru nú lidnar. Havstovan hevur brúkt góðar tvær milliónir krónur av rakstrarjáttanini til at umvæla Magnus Heinason. </div><div><br></div><div><b>Havstovan biðið um 1,9 mill. kr.</b></div><div><br></div><div>Havstovan hevur biðið Fiskimálaráðið um 1,9 milliónir krónur í eykajáttan, segði Eilif Gaard, stjóri á Havstovuni, við Útvarpið fyri góðum tveimum vikum síðani. Í fyrsta umfari hevur Fiskimálaráðið biðið Fíggjarnevndina um 600.000 kr., so Magnus Heinason kann gera yvirlitstrolingarnar. </div><div><br></div><div><br></div><div> </div>
