Forsetin í Suðurkorea í Grønlandi

Suðurkoreanar hava hug at gera stórar íløgur í Grønlandi

Fríðrikur krúnprinsur og Ida Auken, umhvørvismálaráðharri, eru eisini í Grønlandi saman við suðurkoreanska forsetanum.

10.09.2012 - 09:58

<div>Búskaparligu stórveldini í Asia hava av álvara fingið stóran áhuga fyri Grønlandi. Í gjár kom forsetin í Suðurkorea, Lee Myung Bak, á almenna vitjan í Grønlandi. Saman við honum vóru Fríðrikur krúnprinsur og danski umhvørvisráðharrin, Ida Auken.</div><div><br></div><div>Samstarv um veðurlagsgransking og ráevni var á dagsskránni, tá forsetin og grønlendski landsstýrisformaðurin, Kuupik Kleist, hittust í Ilulissat í gjárkvøldið.</div><div>Møguleikin hjá Suðurkorea, sum er millum heimsins 20 sterkastu lond búskaparliga, at gera íløgur í grønlendsku ráevnisvinnuna skuldi eisini umrøðast.</div><div><br></div><div>Landsstýrið vónar, at Danmark og Suðurkorea undirskriva avtalur um grøna orku og umhvørvi, avtalur, sum Grønland kann fáa gagn av.  </div><div><br></div><div><br></div>