- Tíðindi, mentan og ítróttur
Einki greitt í málinum um aðalstjóran
<div>Tað er framvegis ógreitt, hvør endaliga lagnan hjá fyrrverandi aðalstjóranum í Mentamálaráðnum, Leivi Harrysyni, verður. </div><div><br></div><div>Eingin niðurstøða var á fundinum í gjár millum Leiv Harryson og advokat hansara, Christian Andreasen, øðrumegin og Løgmansskrivstovuna hinumegin um afturtøkuna av uppsøgnini hjá Leivi Harryson. </div><div><br></div><div>Christian Andreasen vil ikki siga, hvat kom fram á fundinum í gjár. </div><div><br></div><div>- Vit eru í dialogi við Løgmansskrivstovuna, og partarnir hava avtalað at hittast aftur á fundi í næstum, sigur Christian Andreasen. Nær næsti fundurin verður, er ikki greitt enn. </div><div><br></div><div><b>Hevði rætt at taka uppsøgnina aftur</b></div><div><br></div><div>Tað var í farnu viku, at skriv varð sent landsstýrinum, har advokaturin vildi hava landsstýrið at viðurkenna afturtøkuna av uppsøgnini hjá Leivi Harrysyni. Í skrivinum varð víst á, at Leivur Harryson sum tænastumaður hevur fullan rætt til at taka uppsøgnina aftur - treytað av, at hetta varð gjørt beinanvegin. </div><div><br></div><div>Og tað metir advokaturin, at uppsøgnin hjá Leivi Harryson varð tikin aftur rættstundis.</div><div><br></div><div>Tí kann landsstýrið ikki ógilda afturtøkuna, segði Christian Andreasen við útvarpið í farnu viku. Christian Andreasen hevur sagt, at fæst eingin semja við Løgmansskrivstovuna, fer málið í rættin. </div><div><br></div>
