- Tíðindi, mentan og ítróttur
Tilmæli um Skúladepilin kemur í vikuni
<div>Enn er ov tíðliga at siga, hvussu tær 150 milliónir krónurnar skulu finnast, so Skúladepilin í Marknagili ikki kostar meiri, enn løgtingið hevur játtað til byggingina.</div><div><br></div><div>Upplýsingar, sum landsstýrismaðurin hevur fingið frá Landsverki at brúka í einum svari til løgtingið, benda tó á, at Skúladepilin ið hvussu so verður hálvthundrað milliónir dýrari enn verandi jattan er. </div><div><br></div><div>Men tað er ov tíðliga at siga nakað endaligt enn, sigur Bjørn Kalsø. </div><div><br></div><div><b>Landsverk leitar eftir sparingum</b></div><div><br></div><div>Landsverk arbeiðir í løtuni við at finna neyðugar sparingar, sum kunnu fremjast, uttan at hetta í ov stóran mun fer at raka góðsku, snið og virksemi. Enn er ov tíðliga at siga, hvussu nógv kann sparast. Tó verður mett, at til ber at spara umleið 100 mió. kr. </div><div><br></div><div>Soleiðis stendur orðarætt í svarinum frá Landsverki, sum landsstýrismaðurin endurgevur í sínum svari til Kristinu Háfoss, løgtingskvinnu.</div><div><br></div><div><b>Fær tilmæli í hesari vikuni</b></div><div><br></div><div>Bjørn Kalsø fær tilmæli frá Landsverki í hesari vikuni, sigur Ewald Kjølbro, stjóri á Landsverki. Hann vil ikki siga, hvørji tølini eru. Stórir og kappingarførir undirveitarar vóru ikki við í útbjóðingini upp á Skúladepilin í Marknagili, stendur eisini í svarinum til Kristinu Háfoss.</div><div><br></div><div>Hetta eru útlendskar fyritøkur, sum ikki buðu seg fram, tá undangóðkenningin var. Tað gjørdu treytirnar, sum vóru settar, fyri at hjálpa føroyskum fyritøkum. </div><div><br></div><div><b>Meiri verður at frætta í útvarpstíðindunum.</b></div><div><br></div>
