- Tíðindi, mentan og ítróttur
Kvívík sleppur ikki upp í Havnina
<div>Havnin og Kvívík vera ikki ein kommuna í hesum umfarinum. Í gjárkvøldið viðgjørdi býráðið í Havn eina umsókn um samanlegging, sum Kvívíkar kommuna sendi fyri meira enn einum ári síðani. Men svarið úr Havn er greitt, tað verður eingin samanlegging sum er.</div><div><br></div><div>Eingin býráðslimur tók undir við samanlegging, og fimm av býráðslimunum atkvøddu ímóti.</div><div><br></div><div><b>Kvívíkingar vildu uppí</b></div><div><br></div><div>Tað var annars eftir at Kvívíkar kommuna hevði hildið eina vegleiðandi fólkaatkvøðu, har greiður meiriluti var millum borgarnar at leggja saman við Havnini, at umsóknin varð send til Havnar.</div><div><br></div><div>Men brævið úr Kvívík varð ongantíð viðgjørt, tí Innlendismálaráðið kom vil ætlan um at halda eina vegleiðandi fólkaatkvøðu fyri alt landið. Á vegleiðandi fólkaatkvøðuni í mai mánaði atkvøddu 56 prosent av veljarunum í Kvívík fyri samanlegging, og 43 prosent atkvøddu ímóti.</div><div><br></div><div><b>Havnin segði nei</b></div><div><br></div><div>Hinvegin var ein greiður meiriluti ímóti samanlegging millum borgarnar í Tórshavnar kommunu. Bert 23 prosent vóru fyri, og 65 prosent vóru ímóti. 12 prosent av atkvøðunum vóru blankar ella ógildugar.</div><div><br></div>
