- Tíðindi, mentan og ítróttur
Dregur út hjá fakfeløgunum at keypa Lív
<p>Tað dregur út hjá fakfeløgunum at keypa helvtina av Lív, hóast feløgini í summar gjørdu eina treytaða avtalu við Vinnumálaráðið um at keypa helvtina fyri 35 mió. kr. </p><div><br></div><div>Sáttmálin er í løtuni til viðgerðar í einskiljingarbólkinum hjá landsstýrinum, og hann verður væntandi liðugur við sína viðgerð í næstu viku, sigur Pætur Niclasen, formaður í S&K-felagnum, sum er talsmaður hjá teimum 23 fakfeløgununum.</div><div><br></div><div>Grannskoðari, sakførari og tryggingarfrøðingur skulu eisini kanna Lív.</div><div><br></div><div><b>Fakfeløgini vilja hava meiriluta</b></div><div><br></div><div>Tá avtalan við Vinnumálaráðið er góðkend, fær Ognarfelagið Lív, sum eigur hina helvtina av tryggingarfelagnum, eitt gávubræv upp á sína helvt. Eitt umboðsráð við 35 limum skal veljast, og fakfeløgini ætla at fáa meirilutan í umboðsráðnum, ella í minsta lagi 18 fólk. </div><div><br></div><div>Pætur Niclasen sigur, at í løtuni er líkt til, at endaliga avtalan um at keypa helvtina av Lív verður ikki greið fyrr enn í fyrsta lagi 1. desember. </div>
