- Tíðindi, mentan og ítróttur
Havalda reinsar botnin undir alibrúkum
<div>Havalda reinsar botnin undir alibrúkum, men rákið á botni hevur ikki stórvegis árin. Tað var høvuðsboðskapurin í framløgu, sum Gunnvør á Norði, lívfrøðingur, helt á árligu ICES-ráðstevnuni, sum er í Bergen í hesum døgum. </div><div><br></div><div>Framløgan byggir á kanningar í Funningsfirði, sum eru gjørdar í sambandi við eina verkætlan á Fiskaaling, um alda og streymur kunnu flyta fóður og skarn frá botni. </div><div><br></div><div><b>Reinsaði botn á 54 m dýpi </b></div><div><br></div><div>Tað vakti ans ímillum granskarar, at havalda reinsaði botnin á 54 metra dýpi, men at hart rák niðri við botn ikki hevði stórvegis árin. </div><div><br></div><div>Tað hevur ofta verið tikið fyri givið, at um streymferðin niðri við botn er størri enn 10 cm s-1, so verður alitilfarið flutt burtur. Men á Fiskaaling hava tey mált streymferðir upp til 25 cm s-1 niðri við botn, uttan at alitilfarið var flutt burtur við streyminum. </div><div><br></div><div>Harafturímóti hevði havalda, hægri enn tveir metrar, stóra ávirkan á fóðrið og skarnið á botninum. </div><div> </div>
