Arbeiða enn við loysn fyri badmintonhøllina

Gunvá við Keldu, borgarstjóri, væntar, at málið um badmintonhøllina í Klaksvík verður avgreitt 9. oktober

Skuldin í badminthøllini í Klaksvík er góðar 10 mió. kr.

20.09.2012 - 15:09

<div>Arbeitt verður framvegis við at finna eina loysn á fíggjarligu trongstøðuni hjá badmintonhøllini í Klaksvík, sum ikki megnar at rinda Norðoya Sparikassa rentur og avgjøld. Týsdagin var fundur millum leiðsluna í Norðoya Sparikassa og Klaksvíkar kommunu um framtíðina hjá badmintonhøllini.  </div><div><br></div><div>Gunvá við Keldu, borgarstjóri í Klaksvík, vil í løtuni ikki siga, hvør loysnin er, sum arbeitt verður við, tí málið skal fyrst viðgerast í býráðnum, sigur hon. Málið verður lagt fyri mentanarnevndina í Klaksvíkar býráð mikudagin, og fer síðani í fíggjarnevndina og í býráðið. </div><div><br></div><div><b>Avgreitt í oktober</b></div><div><br></div><div>Gunvá við Keldu væntar, at málið verður endaliga avgreitt á býráðsfundinum tann 9. oktober. </div><div><br></div><div>Ítróttarliga virksemið í badmintonfelagnum er flutt yvir í annað felag. Upprunafelagið vónar, at Klaksvíkar kommuna og Norðoya Sparikassi í felag finna eina loysn - eina sanering av skuldini - so felagið megnar at reka høllina víðari.</div><div> </div><div>Samlaða skuldin hjá Badmintonhøllini í Klaksvík er 10,5 milliónir krónur. </div><div><br></div><div><br></div><div><br></div><div><br></div><div><br></div><div><br></div>