Nýtt viðgerðarheim á Nesi fyri 12 mió. kr.

Blái Krossur hevur gjørt sáttmála við byggifelagið KBH, og heimið skal verða liðugt um ársskiftið 2013/14

Umboð fyri Bláa Kross og byggifelagið KBH, tá sáttmálin varð undirskrivaður. Frá vinstru: Sverri Steinhólm, Frants Jensen, Helgi Johannessen og Benn Johannessen.

Høgni Djurhuus

Johnsigurd Johannesen

21.09.2012 - 09:50

<div>Blái Krossur hevur gjørt sáttmála við byggifelagið KBH um at byggja viðgerðarheim á Nesi í Eysturoynni. Heimið, sum kemur í staðin fyri Blákrossheimið í Havn, kostar góðar 12 milliónir krónur, og tað skal vera liðugt um ársskiftið 2013/14.</div><div><br></div><div>Blái Krossur Føroya rindar byggikostnaðin. Við í teimum 12 milliónunum er grundstykkið, sum Nes kommuna læt fyri nógvum árum síðani. Blái Krossur fær eisini meirvirðisgjaldið afturgoldið, nú MVG-lógin er broytt. </div><div><br></div><div><b>Eiga tvær mió. kr.</b></div><div><br></div><div>Sum er eigur Blái Krossur 2,2 milliónir krónur at byggja fyri, og hevur tilsøgn frá fyritøkum og øðrum upp á eina millión afturat. </div><div><br></div><div>Blái Krossur vónar at fáa so nógvar gávur, so sleppast kann undan at taka lán og selja burtur av ognum. Tí enn resta nakrar milliónir í at fíggja byggingina. </div><div>Landskassin rindar raksturin hjá Blákrossheiminum. </div><div><br></div><div>Teknistovan í Gøtu hevur teknað viðgerðarheimið á Nesi. Hon fer eisini at hava eftirlitið, meðan bygt verður.</div><div><br></div>