- Tíðindi, mentan og ítróttur
Landsverk: 70 mió. kr. eyka til Skúladepilin
<div>Neyðugt verður við 70 milliónum krónum í eykajáttan, um miðnámskúladepilin í Marknagili skal verða bygdur í sínum upprunaliga líki. Tað sigur Landsverk í svari til byggiharran, Mentamálaráðið.</div><div><br></div><div>Landsverk hevur endurskoðað Marknagilsverkætlanina, og hevur lagt trý uppskot um loysnir fyri Mentamálaráðið, nú skúladepilin gjørdist 155 milliónir krónur dýrari, enn Landsverk upprunaliga metti. </div><div><br></div><div>Landsverk mælir Mentamálaráðnum til at fremja verkætlanina, so Marknagilsdepilin verður bygdur í tí líki, hann er ætlaður í dag - tó við broytingum, sum ikki fara at ávirka viksemið á skúlanum. </div><div><br></div><div><b>70 mió. kr. eyka</b></div><div><br></div><div>Henda loysnin fer at krevja 70 milliónir krónur í eykajáttan. Landsverk roknar haraftrat við eini príshækking, ið verður 15 milliónir krónur, til 2016. Tískil verður talan um góðar 85 milliónir krónur í eykajáttan.</div><div><br></div><div>Samlaða íløgan fyri 2012 er 461 milliónir krónur. Í verklagslógini, sum Løgtingið samtykti í 2008, var játtanin 391 milliónir krónur. Landsverk metir í øðrum lagi, at neyðugt verður ikki við eykajáttan, um skúladepilin verður skerdur við 7.300 fermetrum í vídd. </div><div><br></div><div><b>Mælir frá</b></div><div><br></div><div>Landsverk mælir tó Mentamálaráðnum frá at velja hesa loysnina, tí tá verður ómøguligt at hýsa ætlaða virkseminum á skúlanum, sigur Landsverk. Um løgtingið ikki er sinnað at veita eykajáttan, mælir Landsverk til eina triðju loysn, sum er at bjóða tær tríggjar størstu arbeiðstøkurnar út av nýggjum.</div><div><br></div><div><div>Landsstýrismaðurin í mentamálum, Bjørn Kalsø, fer seinni í dag á fund við bygginevndina og politiska fylgibólkin um miðnámsskúlaætlanina í Marknagili. </div><div><br></div></div><div><br></div><div><br></div>
