Hægri umsitingargjald krevur størri rentustuðul

Landsstýrið metir, at útreiðslurnar til rentustuðul í ár verða 129 mió. kr.

Hækkaða umsitingargjaldið fyri realkredittlán er ein av orsøkunum til, at rentustuðulin í ár verður størri enn mett.

25.09.2012 - 16:14

<p>Útreiðslurnar til rentustuðul í ár verða nógv størri enn mett, m.a. av tí at umsitingargjaldið fyri realkredittlán er hækkað. Í uppskotinum til eykajáttan verður biðið um at hækka játtanina til rentustuðul við seks milliónum krónum.</p><div><br></div><div><b>78 mió. goldnar</b></div><div><br></div><div>Higartil í ár eru goldnar 78 milliónir krónur í rentustuðli. Tað svarar til 37 prosent av samlaðu rentuútreiðslunum. Av hesum er parturin hjá kommununum 13 prosent. Netto eru sostatt goldnar 50 milliónir kr. </div><div><br></div><div>Metingin fyri árið vísir, at útreiðslurnar til rentustuðul verða 129 milliónir kr. Parturin hjá kommununi er 45 milliónir. </div><div><br></div><div><b>Hægri umsitingargjald</b></div><div><br></div><div>Landsstýrið sigur, at ein orsøk til øktar rentuútreiðslur hjá lántakarum og harvið, at rentustuðulin hækkar, er, at bankarnir hava hækkað umsitingargjaldið fyri realkredittlán. Hækkingin kom í gildi 1. apríl, og tað ber í sær, at rentan á øllum eldri realkredittlánum er hækkað 0,65 prosent.</div><div><br></div><div><br></div><div><br></div><div><br></div>