- Tíðindi, mentan og ítróttur
Eingin fríhandilssáttmáli í bræði
<div>Tað verður ikki í bræði, at føroyskar vørur sleppa undan tolli í Russlandi.</div><div><br></div><div>Hóast eitt uppskot um fríhandilssáttmála millum Føroyar og Russland hevur ligið klárt at skriva undir í 12 ár, og hóast Russland tá gav Føroyum tað lyftið, at í somu løtu Russland gjørdist limur í WTO, skuldi fríhandilssáttmálin undirskrivast, gongur enn rúm tíð, áðrenn nakar sáttmáli kemur.</div><div><br></div><div><b>Løgmaður og Lavrov</b></div><div><br></div><div>Tað er niðurstøðan eftir fundin í New York í gjár millum Kaj Leo Holm Johannesen, løgmann, og russiska uttanríkisráðharran, Sergey Lavrov.Teir báðir samdust um at byrja eina tilgongd. Fyrsta stigið er, at landsstýrið letur russisku stjórnini eina formliga áheitan um nýggjan handilssáttmála.</div><div><br></div><div>Ein fráhandilssáttmáli var annars klárur at skriva undir í 2000. Men fyrst vildi Russland gerast limur í WTO, felagsskapinum fyri heimshandli. Russland fekk limaskap herfyri. </div><div><br></div><div><b>Byrja av nýggjum</b></div><div><br></div><div>Kortini komu ongar undirskriftir á handilssáttmálan millum Føroyar og Russland. Og nú er líkt til, at byrjast skal heilt av nýggjum.</div><div><br></div><div>- Vit mugu gera okkum greitt, at rúm tíð kann ganga, áðrenn ein sáttmáli gerst veruleiki, sigur løgmaður. </div><div><br></div><div>Yvir 30 lond vilja hava fríhandilssáttmála við Russland. Fundurin í New York í gjár var tann fyrsti á ráðharrastigi um fríhandilssáttmálan millum Føroyar og Russland. </div><div><br></div>
