Søkja eftir aðalstjóra til Heilsumálaráðið

Nýggi aðalstjórin skal taka við starvinum 1. januar

Løgmaður setur nýggja aðalstjóran í Heilsumálaráðnum. Freistin at søkja er á middegi 22. oktober.

27.09.2012 - 15:19

<p>Løgmansskrivstovan lýsir nú aðalstjórastarvið í Heilsumálaráðnum leyst at søkja. Aðalstjórin er ovasti ráðgevi hjá landsstýrismanninum, og hevur m.a. ábyrgdina av dagligu leiðsluni, menningini og rakstrinum av stjórnarráðnum.</p><div>Starvið sum aðalstjóri í Heilsumálaráðnum varð leyst, tá Poul Geert Hansen var fluttur í Mentamálaráðið at vera aðalstjóri. 
</div><div><b><br></b></div><div><b>Stór krøv</b></div><div><br>Stór krøv eru til førleikarnar hjá aðalstjóranum. Umsøkjarar skulu hava kandidatútbúgving frá lærdum háskúla, týðandi leiðsluroyndir, góðar leiðsluførleikar og góðar samskiftisførleikar. Umsóknarfreistin er á middegi 22. oktober. Løgmaður setur starvið í samráð við landsstýrismannin í heilsumálum. <br><br></div><div>Starvið verður sett frá 1. januar 2013, ella eftir nærri avtalu.  </div>