- Tíðindi, mentan og ítróttur
Stakir pensjónistar fáa 54 kr. afturat um mánaðin
<div>Fólkapensjónistarnir fáa 1,7 prosent meira í viðbót til pensjónina á nýggjárinum. Tað stendur í fíggjarlógaruppskotinum fyri 2013, sum verður lagt fyri tingið og almannakunngjørt í morgin.</div><div><br></div><div>Almannamálaráðið upplýsir, at viðbótin hjá fólkapensjónistum verður javnað 1,7 prosent. Hetta svarar á leið til lønarhækkingina á almenna arbeiðsmarknaðinum í 2012 og 2013, 0,85 prosent um árið.</div><div><br></div><div>Aðrar almannaveitingar, so sum fyritíðarpensjón, barnaískoyti og sjúkradagpengar hækka við sama prosenti, 1,7, tann 1.januar. Hækkingin upp á 1,7 prosent gevur stakum fólkapensjónistum 54 kr. meira mánaðin og giftum 42 krónur meira um mánaðin.</div><div><br></div><div><br></div>
