Ferðaráðið fær átta milliónir afturat næsta ár

Játtanin, sum nú verður tvífaldað, skal brúkast at marknaðarføra Føroyar úti í heimi

Johan Dahl, landsstýrismaður, hevur tvífaldað játtanina til Ferðaráðið.

28.09.2012 - 12:39

<p>Játtanin til Ferðaráðið næsta ár verður økt við góðum átta milliónum krónum næsta ár. Sostatt verður játtanin tvífalt so stór sum nú. Hækkingin ber í sær, at Ferðaráðið fer at hava munandi meiri pening at marknaðarføra Føroyar úti í heimi, sigur Johan Dahl, landsstýrismaður.</p><div><br></div><div>Ferðaráðið hevur gjørt eina ætlan fyri næstu fimm árini, og hevur sær fyri, at ferðavinnan skal tvífaldast og geva í minsta lagi eina milliard krónur í umsetningi í 2020. Tað hevur m.a. við sær, at gistingarnar í Føroyum skulu økjast úr 90.000 upp í 200.000.</div><div><br></div><div><b>Føroyar ikki fingið vøksturin </b></div><div><br></div><div>Johan Dahl vísir á, at sambært WTO er ferðavinnan sum heild vaksin fýra prosent seinastu 10 áirni, men Føroyar hava ikki fingið nóg stóran part av vøkstrinum. </div><div><br></div><div>- At marknaðarføra miðvíst er ein fortreyt fyri at skapa tann vøkstur, vit vilja hava,
sigur landsstýrismaðurin í vinnumálum.<br><div><br></div></div>