Leiðslan á Venjingarskúlanum kærd

Foreldur hava kært leiðsluna, tí hon noktaði trimum dreingjum, sum fóru í Kommunuskúlan, at sleppa námsferð

Foreldrini at næmingum, sum gingu í Venjingarskúlan, hava kært skúlaleiðsluna.

28.09.2012 - 16:56

<div>Skúlaleiðslan á Venjingarskúlanum í Havn er kærd til Mentamálaráðið. </div><div><br></div><div>Orsøkin er, at leiðslan noktaði trimum dreingjum, sum skiftu úr Venjingarskúlanum í nýggja fótbóltsflokkin í Kommunuskúlanum, at vera við á námsferð til Íslands.</div><div><br></div><div>- Skúlaleiðslan hevur svikið sína ábyrgd, siga foreldrini, sum hava kært. </div><div><br></div><div>Tey krevja eina treytaleysa umbering frá skúlaleiðsluni, og at tey fáa afturgoldnan tann fíggjarliga missin, teimum hevur verið fyri. Mentamálaráðið viðger í løtuni kæruna. Eingin viðmerking kemur haðani, fyrr enn allir partar eru hoyrdir.</div><div><br></div><div><b>Meiri verður at frætta í útvarpstíðindunum.</b></div>