- Tíðindi, mentan og ítróttur
Milliónir til oyggjaleikaítrótt í Føroyum
<div>Ætlanin er at stuðla bygging av ítróttaranleggum, ið eru neyðug at hava, um tað skal eydnast Føroyum at gerast vertur fyri Oyggjaleikunum í 2019. Tí eru tvær milliónir krónur settar av í fíggjarlógaruppskotinum til stuðul í 2015.</div><div><br></div><div>Sambært langtíðaríløguætlanini verða fýra milliónir krónur játtaðar afturat til endamálið í 2016. Peningurin er ætlaður sum stuðul, ið skal fara í ein Oyggjaleikagrunn undir ÍSF. </div><div><br></div><div><b>600.000 til úrvalsítrótt</b></div><div><br></div><div>Í fíggjarlógaruppskotinum, sum Jørgen Niclasen, landsstýrismaður í fíggjarmálum, legði fram fríggjadagin, sæst eisini, at 600.000 krónur eru settar av til úrvalsítrótt.Tað er ÍSF, ítróttarsamband Føroya, sum umsitur og ger av, hvør skal hava henda stuðulin. </div><div><br></div><div>Játtanin til ÍSF er tilsamans fimm milliónir og 150 túsund krónur, og tá er ferðastuðulin íroknaður. Avsettar eru 200.000 krónur til Ítróttarsambandið fyri brekað. </div>
