- Tíðindi, mentan og ítróttur
Kanna starvsetanir í Klaksvíkar kommunu
<div>Starvsmannafelagið fer nú at kanna, um alt er farið rætt fram í sambandi við ætlaðu bygnaðarbroytingarnar í Klaksvíkar kommunu. </div><div><br></div><div>Tað skrivar Norðlýsið. </div><div><br></div><div>Selma Ellingsgaard, forkvinna í Starvsmannafelagnum, undrast á, at Klaksvíkar kommuna gjøgnum fjølmiðlarnar boðar frá, at fýra nýggj leiðarastørv verða sett, samstundis sum verandi leiðarar verða fluttir í onnur størv. </div><div><br></div><div><b>Ikki lýst leys</b></div><div><br></div><div>- Tað vil siga, at kommunan setir fólk í størv, sum ikki eru lýst leys frammanundan, og tað er sera óheppið, sigur Selma Ellingsgaard. </div><div><br></div><div>Talan kann vera um eitt rættiliga prinsipielt mál, um kommunan í hesum føri hevur víst góðan umsitingarligan sið ella ikki, sigur Selma Ellingsgaard. </div><div><br></div><div>- Tað er eisini sera óheppið, um samskifti við starvsfólkini, sum í hesum føri skulu sigast upp ella skulu flytast í annað starv, ikki er skrivligt.</div><div><br></div><div>Sambært Norðlýsinum høvdu deildarleiðararnir í Klaksvíkar kommunu munnliga fingið at vita, at teir skuldu flytast í annað starv. Hetta var fríggjadagin, 14. september. </div><div><br></div><div><br></div><div><br></div><div><br></div><div><br></div><div> </div>
