Barsilsskipanin: Føroyingar flyta ikki heimaftur

Bogi Andreasen, varatingmaður, sigur, at galdandi skipan fær føroyingar at aftra seg við flyta heimaftur, og er við til at minka fólkatalið

Bogi Andreasen hevur sett Johan Dahl, landsstýrismanni, fyrispurning um Barsilsskipanina.

Johnsigurd Johannesen

08.10.2012 - 12:33

<p>Bogi Andreasen, sum í løtuni hevur sæti á tingi fyri Fólkaflokkin sum varamaður, hevur sett Johan Dahl, landstýrismanni, fyrispurning, um hann ætlar at broyta Barsilsskipanina, og hvat hann heldur um at leingja útgjaldið út hálvum ári upp í eitt ár.</p><div><br></div><div>Eftir galdandi skipan fæst útgjald úr Barsilsskipanini í umleið hálvt ár, hóast rætturin til foreldrafarloyvi er eitt ár. Í Danmark fáa foreldur útgjald í 52 vikur, og í Noregi ber til at fáa fult gjald til barnsburðarfarloyvi í 46 vikur, ella 80 prosent av fullum útgjaldi í 56 vikur. </div><div><br></div><div>Bogi Andreasen sigur, at henda sannroynd elvir helst til, at undir føroyingar, sum útbúgva seg ella arbeiða í Danmark, Svøríki ella Noregi, aftra seg við at flyta heimaftur, og er við til at minka fólkatalið í Føroyum. </div>