Fer ikki úr tinginum

Yvirlýsingin hjá Framsókn broytir ikki støðuna, sigur Janus Rein, sum nú er uttanflokkatingmaður

Poul Michelsen og Janus Rein hava umboðað Framsókn síðani løgtingsvalið i fjør. Nú hevur Janus Rein tikið seg úr flokkinum og er vorðin uttanflokkatingmaður.

Johnsigurd Johannesen

09.10.2012 - 17:36

<p>Janus Rein hevur ongar ætlanir um at lata tingsessin frá sær, nú hann hevur tikið seg úr Framsókn og er vorðin uttanflokkatingmaður.</p><div><br></div><div>Tað ger hann greitt, nú umboð fyri Framsókn í almennum brævi hava heitt á hann um at siga tingsessin frá sær.</div><div><br></div><div><b>Broytir ikki støðuna</b></div><div><br></div><div>- Yvirlýsingin broytir
ikki mína støðu. Orsøkin, til at eg fór úr Framsókn, var ikki politisk ósemja,
men at samstarvið millum formannin og meg als ikki hevur verið nøktandi í
longri tíð, sigur Janus Rein í eini viðmerking seinnapartin. </div><div><br></div><div>- Sum eg boðaði frá, tá ið eg fór úr flokkinum, fari eg framvegis at
vera trúfastur móti teimum málum, sum veljararnir valdu meg á Føroya Løgting
at virka fyri. Hetta var ein trupul avgerð fyri meg, ið eg eisini harmist um.
Eg havi ikki hug at fara út í eitt alment eljustríð við formannin í
Framsókn,  sigur Janus Rein. </div><div><p class="MsoNormal"><p></p></p></div>