- Tíðindi, mentan og ítróttur
Virknis- og umlættingardepil í Sandoynni
<p>Ætlanin er at byggja virknis- og umlættingardepil í Sandoynni til børn og ung við serligum avbjóðingum.</p><div><br></div><div>Annika Olsen, landsstýriskvinna í almannamálum, hevur biðið løgtingið um heimild at fara undir verkætlanina, sum í mesta lagi skal kosta slakar 12 milliónir kr. Landsstýriskvinnan hevur avgjørt at raðfesta eitt tilboð í Sandoynni, hóast verkætlanin ikki er endaliga viðgjørd.</div><div><br></div><div><b>Karmur um virksemi hjá Stuðulsfólkaskipanini</b></div><div><br></div><div>Virknis- og umlættingardepilin í Sandoynni skal verða karmur um virksemið hjá Stuðulsfólkaskipanini fyri børn í Sandoynni og eitt landsumfevnandi tilboð, ið gevur øllum børnum og ungum við serligum avbjóðingum møguleika fyri at fáa umlætting um vikuskiftið.</div><div><br></div><div>Í løtuni eru seks børn í Sandoynni, ið fáa tilboð frá Stuðulsfólkaskipanini fyri børn, og Almannaverkið hevur upplýst, at 34 børn og ung hava tørv á umlætting um vikuskiftið. Á leið 19 ung við serligum avbjóðingum kunnu gagnnýta eftirskúlalíknandi tilboðið, sum depilin eisini skal fevna um.</div><div><br></div><div><b>Liðugur í 2017</b></div><div><br></div><div>Tekur løgtingið undir við at byggja virknis- og umlættingardepilin, verður ein bólkur settur at gera eitt fakligt tilmæli um ítøkiliga innihaldið í tilboðnum. Síðani verður ein bygginevnd sett, sum skal gera tilmæli um staðseting, hølir, kostnaðarmeting og byggiskrá. </div><div><br></div><div>Annika Olsen sigur, at eftir ætlan skal depilin takast í nýtslu í 2017. Í fíggjarkarminum fyri 2015 og 2016 eru settar av tilsamans 11,9 milliónir kr. til verkætlanina. </div><div><br></div><div><br></div><div><br></div><div><br></div><div><br></div><div><br></div><div><br></div>
