25 fleiri klaksvíkingar seinasta árið

Vøkstur hevur verið í fólkatalinum í Klaksvík og á Tvøroyri, men í flestu kommunum hevur verið afturgongd

Framgongd hevur verið í fólkatalinum í Klaksvík seinasta árið.

10.10.2012 - 16:39

<div>Fólkatalið í Klaksvíkar kommunu er seinasta árið vaksið við 25 fólkum. Hetta er størsti fólkavøkstur, sambært nýggjastu tølunum frá Hagstovuni. Vøksturin í Klaksvík svarar til eitt hálvt prosent.</div><div><br></div><div>Næststørsti vøkstur var á Tvøroyri, har fólkatalið er vaksið við 24 fólkum seinastu 12 mánaðirnar. Vøksturin svarar til 1,4 prosent.</div><div><br></div><div><b>Afturgongd í flestu kommunum</b></div><div><br></div><div>Í flestu kommunum hevur tó verið afturgongd í fólkatalinum seinasta árið.</div><div><br></div><div>Størsta afturgongdin er í Sunda kommunu, har fólkatalið minkaði við 42, t.e. til 2,5 prosent. Í Eysturkommunu minkaði fólkatalið við 35 fólkum, t.e. 1,8 prosent, og í Fuglafjarðar kommunu minkaði fólkatalið við 32 fólkum. Tað svarar til 2,1 prosent.</div><div><br></div><div>Størsta lutfalsligu afturgongdin var í Húsa kommunu. Har búgva fimm fólk færri nú, enn 1. august í fjør. Afturgongdin er 9,3 prosent. </div>