Útoyggjafelagið fegnast um avgerðina

Felagið hevur sent øllum býráðslimum í Klaksvík takkarskriv í sambandi við samtyktina um kommunusamanleggingina í gjárkvøldið

At borgarar á Húsum og á Syðradali nú hava ein veruligan møguleika at koma til orðanna, er gott og gagnligt, sigur Útoyggjafelagið

Uni L. Hansen

Johnsigurd Johannesen

10.10.2012 - 09:51

<div>Útoyggjafelagið fegnast um avgerðina hjá Klaksvíkar býráð um ikki at leggja Húsa kommunu saman við Klaksvíkar kommunu á hesum sinni.</div><div><br></div><div>Útoyggjafelagið hevur sent øllum býráðslimunum í Klaksvíkar býráð ein tøkk fyri teirra ?skilagóðu avgerð? í málinum. </div><div><br></div><div>- Vit vilja nýta høvi at takka hvørjum einstøkum býráðslimi, sum atkvøddi fyri broytingaruppskotinum hjá Steinirni O. Jacobsen, og takka honum fyri uppskotið, skrivar Útoyggjafelagið í takkarskrivinum. </div><div><br></div><div><b>Gott og gagnligt</b></div><div><br></div><div>- At borgarar á Húsum og á Syðradali nú hava ein veruligan møguleika at koma til orðanna, er gott og gagnligt, tí besta trygdin fyri burðardyggum bygdasamfeløgum er luttøka og samstarv. </div><div><br></div><div>Óla Jákup úr Dímun, formaður, og Olga Biskopstø, samskipari, hava skrivað undir takkarskrivið frá Útoyggjafelagnum . </div>