Seta ljós upp á Svangaskarði

Arbeiðið at seta ljós upp við nýggja vøllin á Svangaskarði er farið í gongd, og væntandi lýsir um ársskiftið

11.10.2012 - 18:19

<div>
<p>Norðari vøllurin á Svangaskarði á Toftum hevur í ár verið fyri umfatandi
umbyggingum. Grasið er skifti út við graslíkið, og umstøðurnar kring vøllin eru
eisini nýtímansgjørdar.<br><br>Heimasíðan hjá Fótbóltssambandinum skrivar, at arbeiðið á Svangaskarði er ikki liðugt enn.
Fótbóltssamband Føroya, við stuðli frá UEFA, og í samstarvi við Nes Kommunu,
hevur nevniliga avgjørt, at seta ljós upp kring vøllin, og tað arbeiði er nú
farið í gongd.<br><br>Seks ljósmastrar verða í næstum settar upp kring vøllin ?
fýra norðanfyri og tvær sunnanfyri vøllin, meðan ljós eisini verða sett á
húsið.<br><br>Um alt gongur eftir ætlan, lýsir á norðara vøllinum á Svangaskarði
um ársskiftið.</p></div>