- Tíðindi, mentan og ítróttur
Brúkaraprísirnir hækka framvegis
<div>Brúkaraprísirnir halda á at hækka.</div><div><br></div><div>Triðja ársfjórðing vóru brúkaraprísirnir 2,4 prosent hægri enn sama ársfjórðing í fjør. Hetta er nakað meiri enn annan ársfjórðing, tá prísvøksturin var 2,2 prosent, vísa tøl hjá Hagstovuni.</div><div><br></div><div><b>Rentan hækkað 17 prosent</b></div><div><br></div><div>Býlisprísirnir eru hækkaðir mest, og hava eisini størstu ávirkanina á brúkaraprístalið. Rentan á íbúðalánum er farin 16,9 prosent upp, brennioljan til húsarhald 8,7 prosent og ravmagn 6,6 prosent. Samanlagt eru býlisútreiðslurnar dýrkaðar 8,5 prosent seinasta árið.</div><div><br></div><div>Árligi prísvøksturin á matvørum var 2,2 prosent triðja ársfjórðing, samanborið við 1,0 prosent annan ársfjórðing. Prísirnir í flestu matvørubólkum eru hækkaðir seinasta árið. Kaffi er dýrkað 13,4 prosent og kjøt 8,6 prosent.</div><div> </div><div>Størsta príslækkingin hevur verið í nýtslubólkunum "Klædnavørur og fótbúnaður, og Innbúgv, húsbúnaður o.l."</div>
