- Tíðindi, mentan og ítróttur
Nýggj nólsoyarferja í tinginum í dag
<p>Løgtingið fer í dag at viðgera uppskotið frá Johan Dahl, landsstýrismanni, um at fáa heimild at byggja nýggja ferju til nólsoyarleiðina fyri í mesta lagi 50 mió. kr. </p><div><br></div><div>Ætlanin er at byggja eina ferju, sum tekur 170 ferðafólk um summarið og umleið 90 fólk um veturin, umframt 10-12 persónbilar ella tveir lastbilar. Arbeiðið at gera verkætlan verður boðið út í Føroyum og uttanlands, og tað verður mett at kosta tvær milliónir krónur. Ætlanin er at bjóða hetta arbeiðið út fyrst í nýggj árinum. </div><div><br></div><div>Arbeiðið at smíða ferjuna verður eisini boðið út í Føroyum og uttanlands. Væntandi kann farast undir arbeiðið seinast í 2013, og ferjan skal setast í sigling í 2015. </div><div><br></div><div><b>Bíligari at reka</b></div><div><br></div><div>Biðið verður um at fáa 7,5 milliónir krónur næsta ár, 20 milliónir í 2014 og 22,5 milliónir kr. í 2015, tá ferjan skal verða liðug. Í kostnaðinum eru eisini projekteringútreiðslur og útreiðslur til eftirlit, tilsamans fýra milliónir kr. </div><div><br></div><div>Ternan, sum í løtuni røkir nólsoyarleiðina, er 33 ára gomul og ikki tíðarhóskandi. Hon er ov stór til bilflutning til Nólsoyar, og raksturin er óneyðuga dýrur, sigur Vinnumálaráðið.</div><div><br></div><div>Raksturin av nýggju ferjuni, sum verður lagað til farleiðina, verður eina góða millión bíligari.</div>
