Alt ov nógvar fosturtøkur í Grønlandi

Landslæknin í Grønlandi heldur, at átøk mugu fremjast, so tað slepst undan so nógvum fosturtøkum

Drotning Ingridar sjúkrahús í Nuuk er høvuðssjúkrahúsið í Grønlandi, og har verða eisini nógvar fosturtøkur framdar.

15.10.2012 - 16:33

<div>Í Grønlandi eru eins nógvar fosturtøkur sum børn, ið verða fødd. Tað eru fýra ferðir fleiri enn í Danmark.</div><div><br></div><div>Gongdin er ikki nøktandi, sigur grønlendski landslæknin, Flemming Kleist Stenz, við grønlendska kringvarpið, KNR.</div><div><br></div><div>- Alt ov nógvar fosturtøkur verða framdar í Grønlandi, og neyðugt er at lækka talið, sigur landslæknin. Hvussu nógvar fosturtøkur eiga at vera í Grønlandi, hevur hann kortini einki boð uppá.</div><div><br></div><div><b>Krevur átøk</b></div><div><br></div><div>Skulu fosturtøkurnar fækka, krevst arbeiði í heilsuverkinum. Ikki bert eitt skifti, men støðugt arbeiði og kunning, sigur Flemming Kleist Stenz.</div><div><br></div><div>Hann vísir á, at fosturtøka er ikki vandaleys. Hon kann hava bæði likamligar og sálarligar avleiðingar, og tí er neyðugt at fáa talið av fosturtøkum niður, landslæknin í Grønlandi.</div><div><br></div>