Makrelurin hevur givið 54 mió. kr. í landskassan

Mett verður, at makrelveiðan í ár fer at geva áleið 70 mió. kr. í inntøku.

Landskassin væntar at fáa einar 70 mió. kr. í inntøku frá avgjøldum á makrelfiskiskapin í ár. Tað eru 10 mi. kr. færri enn mett.

Uni L. Hansen

Johnsigurd Johannesen

15.10.2012 - 10:30

<div>Góðar 54 milliónir krónur eru higartil komnar í landskassan frá veiðigjøldum í sambandi makrelfiskiskapin í ár.</div><div><br></div><div>Løgtingsins fíggjarnevnd bað landsstýrismannin við fíggjarmálum um dagførdar metingar av avgjaldi á fiskatilfeingi fyri 2012, í sambandi við viðgerðina av eykajáttanini fyri september.</div><div> </div><div>- Fram til 10. oktober 2012 eru inn komin kr. 40.379.000 í veiðigjaldi og kr. 13.496.926 í avreiðingargjaldi. Hetta gevur tilsamans kr. 53.875.926, hevur fiskimálaráðið boðað fíggjarmálaráðnum frá. </div><div><br></div><div><b>Minni enn  væntað </b></div><div><br></div><div>Minni enn væntað er avreitt til móttøkuskip, so metingin út frá gongdini seinastu tíðina er, at samlaða inntøkan frá makrelfiskiskapinum fer at nærkast 70 mió. kr., men óvissa er um metingina, stendur í svarinum frá Jørgeni Niclasen, landsstýrismanni við fíggjarmálum, til løgtingsins fíggjarnevnd. </div><div><br></div><div>Tað vil siga, at nýggja metingin er 70 mió. kr., ella 10 mió. kr. lægri enn tað, sum stendur í eykajáttanaruppskotinum, staðfestir Jørgen Niclasen, landsstýrismaður, eisini. </div><div> </div><div><br></div>