- Tíðindi, mentan og ítróttur
Gera niðurstøðu um búfólkini í dag
<div>Í dag verður væntandi greitt, hvat hendir við búfólkunum í sambýlinum í Svanga í Havn, sum ímóti sínum vilja eru flutt úr sambýlinum.</div><div><br></div><div>Tey avvarðandi hjá búfólkunum hava mótmælt avgerðini, og saman við Javna vóru tey seinnapartin í gjár á fundi við landsstýriskvinnuna í almannamálum, Anniku Olsen.</div><div><br></div><div>Annika Olsen sigur við Útvarpið, at hon hevur lurtað eftir sjónarmiðunum hjá teimum avvarðandi og Javna, og í dag verður væntandi ein niðurstøða gjørd um búfólkini.</div><div><br></div><div><b>Fundur við Almannaverkið</b></div><div><br></div><div>Fyrst skal hon á fund við leiðsluna í Almannaverkinum, sum skal greiða frá, hví tey avgjørdu at flyta nøkur av búfólkunum úr sambýlinum í Svanga. Tann fundurin verður fyrrapartin.</div><div><br></div><div>Málið um sambýlið í Svanga tók seg upp í februar, tá Almannaverkið fyri at effektivisera raktsturin vildi tøma sambýlið og so fáa nøkur onnur inn hagar, sum standa á bíðilista. Bíðilistin er langur - serliga millum ung menningartarnað. Hendan flytingin skuldi so hjálpa eitt sindur upp á bíðilistan. </div><div><br></div><div><b>Stríðir ímóti ST-sáttmálanum</b></div><div><br></div><div>Javni hevur alla tíðina hildið fast við, at tað er óhoyrt at flyta búfólkini í hvør sítt herðashorn, og vísir til grein 19 í ST-sáttmálanum. Tann greinin sigur, at øll hava rætt til sjálvi at gera av, hvar tey skulu búgva og hvørjum tey vilja búgva saman við. </div><div><br></div><div>Men Almannaverkið hevur ikki viljað broytt sína avgerð, og tí bóðu tey avvarðandi Anniku Olsen, landsstýriskvinnu, um hjálp. </div><div><br></div>
