- Tíðindi, mentan og ítróttur
Floksins tími aftur á tímatalvuna
<div>- Tíðin er komin, at floksins tími kemur aftur á tímatalvuni í fólkaskúlanum. </div><div><br></div><div>Tað heldur Jónleif Johannesen, fólkaskúlalærari og næstformaður í Føroya Lærarafelag. </div><div><br></div><div>Hann sigur við heimasíðuna hjá Skúlablaðnum, at tað hevur týdning, at næmingarnir sleppa til orðanna í skúlanum, leysgivið av námsætlanum og krøvum annars. </div><div><br></div><div><b>Nógvir spurningar</b></div><div><br></div><div>Jónleif Johannesen vísir á, at nógvir spurningar troka seg á, sum tørvur er á at viðgera í skúlanum. Og ráðini eru mong. Tað kann vera spurningar um javnstøðu, harðskap, siðamisbrot, kenslur og kynslív, trivnað, og um vandarnar av royking og rúsdrekka. </div><div><br></div><div>Jónleif Johannesen heldur tað hava týdning, at næmingarnir koma til orðanna og við egnum orðum kunnu viðgera eitt nú andsfrælsi, tollyndi, javnvirði og fólkaræði. </div><div><br></div><div>- Vilja myndugleikarnir veruliga, at lærarar saman við næmingunum á gevandi hátt samskifta um týðandi evni, má økið raðfestast. Eitt gott boð er at seta floksins tíma aftur á tímatalvuni, sigur Jónleif Johannesen við Skúlablaðið. </div><div><br></div>
