- Tíðindi, mentan og ítróttur
Føroyingar krevja størri sildakvotu
<div>Samráðingarnar um norðhavssildina eru í dag og í morgin í London.</div><div><br></div><div>Hóast eingin vil vátta tíðindini, so fara Føroyar á fundinum at krevja størri part av norðhavssildini. Kravið verður sett fram í dag ella í morgin.</div><div><br></div><div>Kravið verður sett fram nú, tí fyrst í næstu viku fara londini aftur at samráðast um makrelin, og tí skulu hini londini kenna føroysku støðuna til sildina, áðrenn samráðingarnar um makrelin byrja.</div><div><br></div><div>Jacob vestergaard, landsstýrismaður sigur, at ein ætlan er løgd fyri samráðingarnar í London, men hann hevur ongar viðmerkingar til, um Føroyar fara at krevja størri sildakvotu.</div><div><br></div><div><b>Stovnurin er minkaður</b></div><div><br></div><div>Stovnurin av norðhavssild er í minking. Í 2009 mælti ICES til at fiska 1,6 milliónir tons, men í ár er tilmælið 833.000 tons, ella helvtina minni. Hóast tað, so er lutfalsliga meiri sild í føroyskum sjógvi. Tað er aftur staðfest í summar, tí fiskiskapurin eftir makreli hevur verið darvaður av nógvu sildini.</div><div><br></div><div>Noreg hevur nógv størstu sildakvotuna í ár, 508.000 tons. Russland eigur 107.000 tons, ES 54.000 tons, Føroyar 43.000 tons og Ísland 21.000 tons. </div><div><br></div>
