- Tíðindi, mentan og ítróttur
Landsrætturin viðger størsta skattamál í Føroyum
<p>Landsrætturin fer í næstu viku at viðgera eitt mál, sum helst er størsta skattamál í Føroyum.</p><div><br></div><div>Taks sigur, at talan var um fjalda útluting av vinningsbýti, tá 11 eigarar í partafelagnum Vinnuni í Gøtu á heysti í 2005 seldu síni partabrøv í Vinnuni til sítt egna, nýstovnaða holdingfelag, P.f. 30.september 2005. </div><div><br></div><div>Sambært Taks áttu teir 11 eigararnir attu at gjalda kapitalvinningsskatt í landskassan fyri søluna, 53,4 milliónir kr., og tað var eisini niðurstøðan hjá skatta- og avgjaldskærunevndini. </div><div><br></div><div><b>Rindaðu undir mótmæli</b></div><div><br></div><div>P.f. Vinnan góðtók ikki avgerðina hjá Taks og skatta- og avgjaldskærunevndini. Eigararnir avgjørdu í fyrstu atløgu at gjalda skattin, 53,4 milliónir kr., men tað varð gjørt undir mótmæli.</div><div><br></div><div>Taks varð síðani stevnt. 14. juni í fjør fall dómur, og Føroya rættur gav Vinnuni viðhald. </div><div><br></div><div><b>60 mió. kr.</b></div><div><br></div><div>Føroya rættur dømdi Taks at gjalda Vinnuni peningin aftur við rentu. Tilsamans er rokningin 60 milliónir kr., tá sakarmálskostnaðurin, tvær milliónir, er íroknaður. Tí er helst talan um størsta skattamál í Føroyum.</div><div><br></div><div>Taks skeyt dómin inn fyri landsrættin, sum fer at viðgera málið, tá hann kemur til Føroya í næstu viku. Tveir dagar eru settir av til viðgerðina. </div><div><br></div>
