- Tíðindi, mentan og ítróttur
Hotel Øravík letur aftur
<div>Hotel Øravík gevst við virkseminum, og bankin, sum hevur veð í bygningunum, fer at lýsa hotellið til sølu.</div><div><br></div><div>Uni Mortensen, sum hevur rikið hotellið í Øravík seinastu 20 árini, sigur við útvarpið, at hann hevur fingið boð frá peningastovninum um at gevast og flyta út so skjótt sum til ber, so at bygningarnir kunnu lýsast til sølu.</div><div><br></div><div>Hotellið fekk stóran skaða, tá ein ungur maður í mai mánaði breyt inn á matstovuna, har hann skeyt frá hond og setti eld á. Skaðarnir eru ikki umvældir, og sambært Una Mortensen, er tað, hann kann fáa aftur frá tryggingini, ikki nóg mikið til at seta køkin í stand aftur.</div><div><br></div><div>- Tað hevur ikki eydnast mær at fáa fígging frá bankanum, so tað er ikki annað at gera, enn at steingja, staðfestir Uni Mortensen.</div><div><br></div><div><b>Matstovan stongd</b></div><div><br></div><div>Síðani hendingina 7. mai hevur hotellið í Øravík havt gistandi kundar, ið eisini hava fingið morgunmat. Men matstovan hevur verið stongd, og júst matstovan hevur verið týdningamesta inntøkukelda hjá hotellinum.</div><div><br></div><div>Hotel Øravík, ella Gistingarhúsið við Á, ið er veruliga navnið, varð bygt seinast í sekstiárunum av Hans Erik Mortensen. Síðani Hans Erik doyði fyri umleið 20 árum síðani, hevur sonurin Uni, sum í dag er 51 ára gamal, rikið hotellið.</div><div><br></div><div>Uni Mortensen roknar við, at hann nú flytur av landinum at leita sær arbeiði og vinna sær til lívsins uppihald.</div><div><br></div>
