Samráðingarnar kunnu enda fyrr enn ætlað

Jacob Vestergaard, landsstýrismaður, staðfestir, at eingin gongd er í makrelsamráðingunum í London

Jacob Vestergaard, landsstýrismaður, sigur, at tað stendur í botni í makrelsamráðingunum.

23.10.2012 - 14:00

<div>Tað hendir ikki stórvegis í makrelsamráðingunum í London, og tað er ikki óhugsandi, at samráðingarnar slitna, áðrenn tíðin, sum er sett av til samráðingarnar, er úti.</div><div><br></div><div>Tað staðfestir Jacob Vestergaard, landsstýrismaður, eftir at samráðingarfólkini fyrrapartin aftur fóru at tosa saman.</div><div><br></div><div>Fyrrapartin hava samráðingarleiðararnir tosað saman, og tá ivi hevur verið, hava teir tosað við hini, sum eru við. Nú sita samráðingarnevndirnar hvør sær, og seinnapartin fara partarnir aftur at tosa saman.</div><div><br></div><div><b>Hava somu samráðingarnevnd</b></div><div><br></div><div>- Tað hendir ikki tað stóra í samráðingunum í London, og tað er ikki óhugsandi, at partarnir velja at fara hvør til sítt, sigur landsstýrismaðurin.</div><div><br></div><div>Tað eru bert Føroyar, sum hava somu samráðingarfólkini til allar samráðingarnar, tað er til sild, makrel og svartkjaft. Øll hini londini broyta sínar samráðingarnevndir - alt eftir, hvørt fiskaslag samráðst verður um.</div><div><br></div><div>Ætlanin hevur verið, at samráðingarnar um makrelin skuldu vara til í morgin, men í løtuni er tað óvist.</div><div><br></div>