Nýggi bátahylurin í Leirvík liðugur

Pláss verður fyri 70-80 bátum. Atløgubryggjurnar eru gjørdar úr træ, sum er komið úr Afrika. Hátíðarhald verður á Toftanesi seinnapartin í morgin

Pláss er fyri 70-80 bátum í nýggja bátahylinum í Leirvík.

Johnsigurd Johannesen

08.11.2012 - 12:58

<p>Nýggi bátahylurin á Toftanesi í Leirvík er liðugur, og seinnapartin í morgin verður skipað fyri hátíðarhaldi, tá byggifelagið J&K Petersen avhendar Eysturkommunu bátahylin.</p><div>Pláss er fyri 70-80 bátum við flotbrúgvarnar, og eisini er atløgupláss til aðrar bátar.</div><div><br></div><div>Tá farið varð undir ætlanina um nýggja bátahylin, varð dentur eisini lagdur á, at økið skuldi gerast vakurt og hugnaligt . Eitt nú eru atløgubryggjurnar gjørdar úr azobé-træ, sum er komið úr Afrika, og laðað er fram við hylinum. Í sunnara horni er fjørutrappu, sum er laðað ur føroyskum gróti.</div><div><br></div><div><b>Felagshøli</b></div><div><br></div><div>Vestarumegin verða neyst bygd, og samstundis ger kommunan felagshøli við wc og brúsu, sum serliga er ætlað báta- og ferðafólki. Bátahylurin og flotbrúgvarnar kosta tilsamans 14 mió. kr. Eysturkommuna hevur sett pening av at fríðka og listaprýða øki, sum eftir ætlan verður liðugt í vár. </div><div><br></div><div>Selmar Nielsen Arkitektur hevur teknað. LBF gjørdi verkætlanina, og hevur eisini havt eftirlit við byggingini</div><div><br></div><div><br></div>