Heðin borgarstjóri í Sunda kommunu

Nýggja bygdaráðið í Sunda kommunu hevur skipað seg.

 

Á fundi í gjárkvøldið varð einmælt samtykt, at Heðin Zachariasen verður borgarstjóri, og Sonni Samuelsen verður varaborgarstjóri. Núverandi borgarstjórin, Kim Durhuus, stillaði ikki uppaftur. 

 

Nevndarsessirnir í nýggja bygdaráðnum vórðu eisini býttir. Nýggi borgarstjórin, Heðin Zachariasen, verður formaður í fíggjarnevndini, varaborgarstjórin, Sonni Samuelsen, verður formaður í byggi- og býarskipanarnevndini. Asbjørn Djurhuus verður formaður í sosialu nevnd, Tordis Dahl verður forkvinna í mentunarnevndini, og Elias Hammer verður formaður í umhvørvisnevndini.