- Tíðindi, mentan og ítróttur
Artur heldur fram sum borgarstjóri
Artur heldur fram sum borgarstjóri
Jóhan Christiansen heldur fram sum borgarstjóri í Eysturkommunu, og Katrin Næs heldur fram sum borgarstjóri í Hvannasunds kommunu
Artur Johansen fær fýra ár afturat sum borgarstjóri í Sjóvar kommunu.
16.11.2012 - 11:45
Artur Johansen heldur fram sum borgarstjóri í Sjóvar kommunu, og Pole J. Hansen heldur fram sum varaborgarstjóri.
Nývalda kommunustýrið í Sjóvar kommunu skipaði seg í gjárkvøldið.
Lisa Frederiksberg verður forkvinna í trivnaðarnevndini, Pól Jákup Poulsen verður formaður í teknisku nevnd, og Jens Kristian Rasmussen verður formaður í vinnunevndini.
Jóhan heldur fram í Eysturkommunu
Jóhan Christiansen heldur fram sum borgarstjóri í Eysturkommunu.
Nývalda býráðið í Eysturkommunu hevur gjørt semju um at skipa eitt breitt samstarv uttan samgongu og andstøðu næsta valskeið, og at Jóhan Christiansen verður borgarstjóri.
Katrin heldur fram í Hvannasundi
Katrin Næs heldur fram sum borgarstjóri í Hvannasunds kommunu.
Nývalda bygdarráðið hevði fund í gjárkvøldið, og samtykti einmælt, at Katrin Næs eisini verður borgarstjóri næstu fýra árini. Jákup Martin Poulsen verður varaborgarstjóri.
Er kopiera
Nýggjastu sendingar í ÚV
Nýggjastu sendingar í SV
