Portugisiska stjórnin hórar undan

Portugisiska stjórnin hórar undan
Hóast fleiri ráðharrar hava lagt frá sær, er politiska støðan trygg, sigur forsætisráðharrin
Pedro Passos Coelho, forsætisráðharri, sigur, at politiska støðan í Portugal er trygg.
 
05.07.2013 - 10:30

Í gjárkvøldið eydnaðist samgongustjórnini í Portugal at semjast um eina avtalu, sum ber í sær, at stjórnin hórar undan.

- Avtalan tryggjar støðufesti hjá stjórnini, sigur Pedro Passos Coelho, forsætisráðharri, eftir ein fund við forsetan, Anibal Cavaco Silva.

Forsætisráðharrin segði, at hann er sannførdur um, at politiska støðan er trygg, hóast bæði fíggjarmálaráðharrin hevur lagt frá sær. Uttanríksiráðharrin, Paulo Portas ætlaði eisini at leggja frá sær, men forsætisráðharrin sýtti umbøn hansara.

Stjórnin kanska umskipað

Portas er formaður í minsta stjórnarflokkinum í samgongustjórnini. Portugisisk bløð skriva, at forsætisráðharrin fer kanska at umskipa stjórnina, og tá fær Paulo Portas helst ábyrgdina av búskapinum í landinum, og tað er Portas nøgdur við.

Sosialistiski andstøðuleiðarin í Portugal, Antonio Jose Seguro, hevur heitt á forsetan um at útskriva val sum skjótast. Formaðurin í ES-nevndini, José Manuel Barroso, hevur eisini heitt á portugisisku stjórnina um at loysa politisku støðuna. 

 

 

 

 

 

 

Er kopiera
Nýggjastu sendingar í ÚV
Fríggjadag 13. juni
Vikuskiftið 13 juni 2025
193269
Fríggjadag 13. juni
Breddin: Støðan í Gasa
193232
Fríggjadag 13. juni
RagnarRokk: Scott Carstairs um Xenotaph
193187
Fríggjadag 13. juni
Morgunlestur fríggjadagur 13.juni 2025
192953
Nýggjastu sendingar í SV
Fríggjadag 13. juni
Veðrið
193263
Mikudag 11. juni
Dagur og vika - teknmálstulkað
193101
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984