Sinnisbati blandar seg í málið um Fámará

Sinnisbati blandar seg í málið um Fámará
Felagið Sinnisbati heitir á myndugleikarnar at steðga gongdini í Famará beinanvegin
 
11.07.2013 - 00:45

Í einum almennum brævi til løgmann, landsstýrið og løgtingið vísir Sinnisbati á, at limir, sum felagið varar av, eru fangaðir í meldrinum í trætuni millum tey, sum búgva og virka á festinum í Famará og Búnaðarstovuna.

Sinnisbati sigur millum annað soleiðis í almenna brævinum:

”Uttan at taka støðu til tey juridisku atlitini og mannagongdir, ið sigast vera fylgdar og ikki fylgdar í trætuni millum Búnaðarstovuna og námsfrøingarnar Rakul og Jóhan Dalsgaard, venda vit okkum til tykkara, sum umboða almennu Føroyar, um at hjálpa okkara brúkarum, so teir kunnu halda áfram at búgva og móttaka alternativa námsfrøðiliga tilboðið, sum Rakul og Jóhan Dalsgaard hava ment hesi gott og væl tvey árini, tey hava hildið til í Fámará.”

Arbeiða fyri rættindum hjá sálarsjúkum
Felagið vísir á, at Sinnisbati er áhugafelagsskapur, sum sambært viðtøkunum hevur sum endamál at arbeiða fyri rættindum hjá sálarsjúkum í Føroyum.

- Í friðarligu, vøkru og óspiltu náttúruni í Fámará, samantvinnað við tað, sum námsfrøðingarnir, Rakul og Jóhan Dalsgaard, kunnu bjóða hesum fólkum, hava fleiri fólk við sálarligum trupulleikum av ymsum slag funnið seg til rættis, og tey hava fingið tað munandi betri, sigur Sinnisbati millum annað í brævinum til myndugleikarnar.

Felagið vísir til fleiri fyrimunir, sum fólk við sálarligum trupulleikum kunnu fáa av at vera á garðinum í Fámará. Og tí heitir felagið beinleiðis á myndugleikarnar at steðga ætlanini at reka Rakul og Jóhan Dalsgaard úr Fámará.


 

Er kopiera
Nýggjastu sendingar í ÚV
Sunnudag 16. februar
Guðstænasta úr Havnar kirkju 16 feb 2025
187830
Sunnudag 16. februar
Kallið: Vit mugu kenna ábyrgd
187771
Leygardag 15. februar
Jambalaja - 150225
187814
Leygardag 15. februar
Upp á tá - 140225
187806
Nýggjastu sendingar í SV
Sunnudag 16. februar
Guðstænasta úr Havnar kirkju
187829
Leygardag 15. februar
Hondbóltur: H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762
Fríggjadag 14. februar
Veðrið
187798
Mikudag 12. februar
Merkja grind
187663