Landskassin fær meira inn í meirvirðisgjaldi

Landskassin hevur fyrstu seks mánaðirnar í ár fingið í alt 659 milliónir krónur í meirvirðisgjaldi av innflutningi. Tað vísir ein nýggj MVG-uppgerð hjá TAKS. Sama tíðarskeið í fjør fekk landskassin 613 milliónir krónur. Sostatt eru inntøkurnar frá innflutnings meirvirðisgjaldi øktar 46 milliónir krónur sammett við fyrstu seks mánaðirnar í fjør.

Út frá tølum í uppgerðini hjá taks bendir alt á, at føroyingar eru farnir at brúka meira pening uppá marglætisvørur. Talið er tað hægsta síðan  2008, áðrenn fíggjarkreppan rakti.

Vit fáa ein búskaparfrøðing at hyggja eftir hesum tølum til tíðindini kl. 18.00.