Drekkivatnið í Klaksvík er nú reint

Seinastu royndirnar, sum tiknar eru, vísa, at vatnið í Klaksvík nú er reint.

Tað tekur annars 18 tímar at fáa svar upp á vatnroyndir, og royndir, sum vórðu tiknar fyrrapartin í gjár vísa, at drekkivatnið í báðum brunnunum í Klaksvík nú er reint.

Eisini í Vestmanna
Drekkivatnið í Vestmanna er eisini reint nú. Tað boðar kommunan frá.

Hinvegin mugu sørvingar nú kóka drekkivatnið, boðar Sørvágs kommuna frá.