Føroyar taptu fyri Bermuda

Føroyar og Bermuda spældu ein tættan og spennandi flogbóltsdyst, sum bleiv til ein fimm settara. Føroyar vóru á odda 19-14 eina løtu í fjórða setti og burdu havt lukkað dystin, men Bermuda kom afturíaftur og vann tað settið. Og fimta settið vann Bermuda so eisini rættiliga sannførandi og harvið dystin 3-2. 

Thorvald Danielsen var sera vónbrotin aftan á dystin og dugdi ikki at greiða frá, hvat hendi í fjórða settið, tá Føroyar var í einari góðari støðu. 

- Føroysku spælararnir vórðu sálarliga slignir út í hesum dystinum, mugu vit bara staðfesta, sigur Jan Hentze, viðmerkjari hjá kringvarpinum og flogbóltsdómari aftan á dystin. 

Settúrslitini í dystinum millum Føroyar og Bermuda vóru:

24-26, 25-14, 25-21, 24-26 og 9-15.

Føroysku flogbóltsmenninir spæla aftur í morgin móti Grønlandi.