Nú verður P/f Sandoyartunnilin stovnað

 

Tekur tingið undir við tí, fer Kári P. Højgaard, landsstýrismaður í innlendismálum, at stovna Partafelagið Sandoyartunnilin.

 

Tað sigur hann við Útvarpið í dag.

 

Nú eru góð fýra ár síðani, at løgtingið samtykti á vári í 2009, at landsstýrismaðurin í innlendismálum kann stovna partafelag at gera og reka tunnil millum Streymoynna og Sandoynna.

 

Landið skal einsamalt eiga partafelagið. 

 

Politiski fylgibólkurin, sum varð settur fyrr í ár at viðgera alla Suðurleiðina, skuldi hava fund um P/f Sandoyartunnilin í dag. Men fundurin er avlýstur, tí ikki lá fyri hjá øllum at koma á fund.