Kappsvimjing á sjónum á ólavsøku

Svomið verður fram við Molanum beint eftir kappróðurin ólavsøkuaftan.

Teinurin, sum svomin verður, er 420 metrar, og svomið verður frá endanum á Molanum og inn í krókin við Havnaskrivstovuna.

Siðvenjan at svimja kapp á sjónum á ólavsøku varð tikin upp aftur í 2010.

Fyrstu ferð í 1912

Fyrstu ferð slík svimjing var fyriskipað var á ólavsøku í 1912. Svomið var á sjónum fram til 1934, tá fyrsti hylurin í Gundadali stóð liðugur. Síðani hevur bara verið svomið á sjónum av og á.