Landsstýrissamgongan í tungum sjógvi

Helvtin av tingmanningini hjá Sambandsflokkinum tekur ikki undir við uppskotinum hjá landsstýrismanninum hjá Fólkaflokkinum um fiskidagarnar næsta fiskiár.

Og í dag koma væntandi trý lógaruppskot um tunnil millum Eysturoynna og Streymoynna í løgtingið. Uppskotið hjá Kára P. Højgaard, landsstýrismanni, um privata loysn hugtekur ikki øll í samgonguni líka nógv.

Sáttmálin, sum Innlendismálaráðið hevur gjørt við Copenhagen Infrastructure Partners, skal undirskrivast 31.august, so tað er alt um at gera hjá landsstýrismanninum at fáa tunnilsmálið avgreitt í tinginum í august.

Fríggjadagin fer løgtingið at viðgera fiskidagarnar.

Í dag og í morgin fer løgtingið at viðgera frágreiðingina, sum løgmaður gav tinginum ólavsøkudag. Tingfundurin í dag byrjar klokkan 10.00.